“Илһам” электрон газетасы – “Белем җәүһәре”

2 нче ноябрь көнне Казан шәһәренең Г.Камал исемендәге Татар дәүләт Академия театрының кече залында VII Дөньякүләм "Белем җәүһәрләре" бәйгесенең җиңүчеләрен бүләкләү тантанасы узды.

Татар теле укытучысы Сәрвәрова Рәдинә Миннерәсил кызы җитәкчелегендә лицейда эшләп килүче “Электрон матбугат” түгәрәгенең электрон “Илһам” газетасы инде берничә ел әлеге бәйгедә катнашып, призлы урыннар яулап килде. Ә быел исә, аеруча куандырганы шул: “Илһам” (http://ilhamgazite.ru)  интернет-проекты белән Рәдинә Миннерәсил кызы  I дәрәҗә дипломга – “Белем җәүһәре” исеменә лаек булды.